ਮੋਹਾਲੀ 06 ਜੁਲਾਈ 2026: ਬੀਤੀ ਰਾਤ ਚਿਤਕਾਰਾ ਯੂਨੀਵਰਸਿਟੀ ਵਿਖੇ ਕਰਵਾਏ ਇੱਕ ਸ਼ਾਨਦਾਰ ਫਿਨਾਲੇ ਦੌਰਾਨ ਦੀਕਸ਼ਪ੍ਰੀਤ ਕੌਰ ਨੂੰ ‘ਗਲਿਟਜ਼ ਮਿਸ ਪੰਜਾਬ 2026’ ਦਾ ਤਾਜ ਪਹਿਨਾਇਆ ਗਿਆ। ਮੁਕਾਬਲੇ ‘ਚ ਰਿਧਿਮਾ ਨੂੰ ਫਰਸਟ ਰਨਰ-ਅਪ ਅਤੇ ਸਪਰਿਆ ਚੌਹਾਨ ਨੂੰ ਸੈਕੰਡ ਰਨਰ-ਅਪ ਘੋਸ਼ਿਤ ਕੀਤਾ ਗਿਆ।
ਸੁੰਦਰਤਾ ਪ੍ਰਤੀਯੋਗਿਤਾ ਦੇ ਪ੍ਰਬੰਧਕ ਰਣਦੀਪ ਚੌਧਰੀ ਨੇ ਦੱਸਿਆ ਕਿ ਇਸ ਸ਼ੋਅ ਵਿੱਚ ਕੁੱਲ 43 ਮਹਿਲਾ ਮਾਡਲਾਂ ਨੇ ਭਾਗ ਲਿਆ ਸੀ। ਉਨ੍ਹਾਂ ਕਿਹਾ ਕਿ ਇਹ ਪ੍ਰੋਗਰਾਮ ਇਸ ਖੇਤਰ ਦੇ ਸਭ ਤੋਂ ਵੱਡੇ ਪੇਜੈਂਟਾਂ ‘ਚੋਂ ਇੱਕ ਹੈ, ਜੋ ਭਾਗੀਦਾਰਾਂ ਨੂੰ ਆਪਣੀ ਸ਼ਾਲੀਨਤਾ, ਪ੍ਰਤਿਭਾ ਅਤੇ ਵਿਲੱਖਣਤਾ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇੱਕ ਮੰਚ ਪ੍ਰਦਾਨ ਕਰਦਾ ਹੈ।
ਟਾਈਟਲ ਪਾਰਟਨਰ ਚਿਤਕਾਰਾ ਯੂਨੀਵਰਸਿਟੀ ਅਤੇ ਪਾਵਰਡ ਬਾਈ ਪਾਲਮੋਨਾਸ ਦੇ ਨਾਲ, ਇਸ ਪੇਜੈਂਟ ਨੇ ਵਾਇਲਡਕਾਰਡ ਐਂਟਰੀਆਂ ਅਤੇ ਸਖ਼ਤ ਅੰਤਿਮ ਆਡੀਸ਼ਨਾਂ ਤੋਂ ਬਾਅਦ ਆਪਣੀ ਖੋਜ ਪੂਰੀ ਕੀਤੀ। ਇਹ ਪ੍ਰਤੀਯੋਗਿਤਾ “ਬਿਊਟੀ ਵਿਦ ਪਰਪਜ਼” ‘ਤੇ ਕੇਂਦ੍ਰਿਤ ਸੀ, ਜੋ ਨੌਜਵਾਨ ਮਹਿਲਾਵਾਂ ਨੂੰ ਹੱਦਾਂ ਨੂੰ ਤੋੜਨ ਅਤੇ ਆਪਣੀ ਇੱਕ ਵੱਖਰੀ ਪਛਾਣ ਬਣਾਉਣ ਲਈ ਸਸ਼ਕਤ ਬਣਾਉਂਦੀ ਹੈ।
