Mobile Phone ‘ਚ ਬਚਿਆ ਡੇਟਾ ਅਗਲੇ ਰੀਚਾਰਜ ‘ਚ ਸ਼ਾਮਲ ਹੋਣਾ ਚਾਹੀਦਾ ਹੈ’, Raghav Chadha ਨੇ ਰਾਜ ਸਭਾ ‘ਚ ਚੁੱਕਿਆ ਮੁੱਦਾ

ਰਾਜ ਸਭਾ ਮੈਂਬਰ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂ ਰਾਘਵ ਚੱਢਾ ਨੇ ਮੰਗ ਕੀਤੀ ਹੈ।

ਰਾਜ ਸਭਾ ਮੈਂਬਰ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂ ਰਾਘਵ ਚੱਢਾ ਨੇ ਮੰਗ ਕੀਤੀ ਹੈ ਕਿ ਰੀਚਾਰਜ ਪਲਾਨ ਵਿੱਚ ਬਚੇ ਹੋਏ ਮੋਬਾਈਲ ਡੇਟਾ ਨੂੰ ਅਗਲੇ ਸਾਈਕਲ ਵਿੱਚ ‘ਕੈਰੀ-ਫਾਰਵਰਡ’ (ਅੱਗੇ ਭੇਜਣ) ਦੀ ਸਹੂਲਤ ਮਿਲਣੀ ਚਾਹੀਦੀ ਹੈ।

ਚੱਢਾ ਨੇ ਰਾਜ ਸਭਾ ਵਿੱਚ ‘ਜ਼ੀਰੋ ਆਵਰ’ (Zero Hour) ਦੌਰਾਨ ਕਿਹਾ ਕਿ ਗਾਹਕਾਂ ਨੂੰ ਉਸ ਡੇਟਾ ਦੀ ਵਰਤੋਂ ਕਰਨ ਦਾ ਪੂਰਾ ਹੱਕ ਮਿਲਣਾ ਚਾਹੀਦਾ ਹੈ ਜਿਸ ਲਈ ਉਹ ਪੈਸੇ ਅਦਾ ਕਰ ਚੁੱਕੇ ਹਨ। ਟੈਲੀਕਾਮ ਕੰਪਨੀਆਂ 1.5 ਜੀਬੀ, 2 ਜੀਬੀ ਜਾਂ 3 ਜੀਬੀ ਪ੍ਰਤੀ ਦਿਨ ਵਰਗੀਆਂ ਲਿਮਿਟ ਵਾਲੇ ਪਲਾਨ ਦਿੰਦੀਆਂ ਹਨ, ਜੋ ਹਰ 24 ਘੰਟਿਆਂ ਵਿੱਚ ਰੀਸੈਟ ਹੋ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ, ਦਿਨ ਦੇ ਅੰਤ ਵਿੱਚ ਬਚਿਆ ਹੋਇਆ ਡੇਟਾ ਐਕਸਪਾਇਰ (ਖਤਮ) ਹੋ ਜਾਂਦਾ ਹੈ।

ਰਾਘਵ ਚੱਢਾ ਨੇ ਕੀ ਸੁਝਾਅ ਦਿੱਤਾ?

ਰਾਘਵ ਚੱਢਾ ਨੇ ਸੁਝਾਅ ਦਿੱਤਾ ਕਿ ਦਿਨ ਦੇ ਅੰਤ ਵਿੱਚ ਬਚਿਆ ਹੋਇਆ ਡੇਟਾ ਅਗਲੇ ਦਿਨ ਦੀ ਡੇਲੀ ਡੇਟਾ ਲਿਮਿਟ ਵਿੱਚ ਜੋੜਿਆ ਜਾਣਾ ਚਾਹੀਦਾ ਹੈ। ਜੇਕਰ ਕੋਈ ਗਾਹਕ ਕਈ ਸਾਈਕਲਾਂ ਤੱਕ ਡੇਟਾ ਦੀ ਘੱਟ ਵਰਤੋਂ ਕਰਦਾ ਹੈ, ਤਾਂ ਉਸ ਨੂੰ ਅਗਲੇ ਰੀਚਾਰਜ ਵਿੱਚ ਅਣਵਰਤੇ ਡੇਟਾ ਦੀ ਕੀਮਤ (Value) ਐਡਜਸਟ ਕਰਨ ਦਾ ਆਪਸ਼ਨ ਮਿਲਣਾ ਚਾਹੀਦਾ ਹੈ।

ਕਿਹੜੇ ਦੇਸ਼ਾਂ ਵਿੱਚ ਮਿਲਦੀ ਹੈ ਅਜਿਹੀ ਸਹੂਲਤ?

ਕਈ ਦੇਸ਼ਾਂ ਵਿੱਚ ਇਹ ਮਾਡਲ ਸਫਲ ਰਿਹਾ ਹੈ। ਅਮਰੀਕਾ, ਬ੍ਰਿਟੇਨ ਅਤੇ ਆਸਟ੍ਰੇਲੀਆ ਵਰਗੇ ਦੇਸ਼ਾਂ ਵਿੱਚ AT&T ਅਤੇ ਸਾਈ ਮੋਬਾਈਲ (Sky Mobile) ਵਰਗੀਆਂ ਕੰਪਨੀਆਂ ‘ਡੇਟਾ ਰੋਲਓਵਰ’ ਦੀ ਸਹੂਲਤ ਦਿੰਦੀਆਂ ਹਨ, ਜਿੱਥੇ ਬਚਿਆ ਹੋਇਆ ਡੇਟਾ ਅਗਲੇ ਮਹੀਨੇ ਜਾਂ ‘ਡੇਟਾ ਬੈਂਕ’ ਵਿੱਚ ਜਮ੍ਹਾ ਹੋ ਜਾਂਦਾ ਹੈ।