ਦਿੱਲੀ, 06 ਫਰਵਰੀ 2026: Kamal Chandani’s death case: ਕਮਲ ਚੰਦਾਨੀ (25) ਦੀ ਦਿੱਲੀ ਦੇ ਜਨਕਪੁਰੀ ‘ਚ ਵਾਟਰ ਬੋਰਡ ਦੇ ਟੋਏ ‘ਚ ਡਿੱਗਣ ਨਾਲ ਮੌਤ ਹੋ ਗਈ। ਇਸ ਮਾਮਲੇ ‘ਚ ਸੰਬੰਧਿਤ ਪ੍ਰਸ਼ਾਸਨ ਨੇ ਹੁਣ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਐਕਸਈਐਨ, ਏਈ ਅਤੇ ਜੇਈ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਕਮਲ ਵੀਰਵਾਰ ਰਾਤ ਨੂੰ ਲਗਭੱਗ 10 ਵਜੇ ਦਫ਼ਤਰ ਤੋਂ ਘਰ ਪਰਤ ਰਿਹਾ ਸੀ। ਪਰਿਵਾਰ ਸਾਰੀ ਰਾਤ ਪੁਲਿਸ ਸਟੇਸ਼ਨਾਂ ਦੇ ਚੱਕਰ ਲਗਾਉਂਦਾ ਰਿਹਾ | ਪਰਿਵਾਰ ਨੂੰ ਵਾਟਰ ਬੋਰਡ ਦੀ ਲਾਪਰਵਾਹੀ ਦਾ ਸ਼ੱਕ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਇਹ ਘਟਨਾ ਉਨ੍ਹਾਂ ਨੂੰ ਨੋਇਡਾ ‘ਚ ਯੁਵਰਾਜ ਨਾਲ ਸਬੰਧਤ ਘਟਨਾ ਦੀ ਯਾਦ ਦਿਵਾਉਂਦੀ ਹੈ।
ਮ੍ਰਿਤਕ ਦੇ ਭਰਾ ਨੇ ਪੁਲਿਸ ‘ਤੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਇਲਾਕੇ ‘ਚ ਉਸਦੇ ਆਖਰੀ ਸਥਾਨ ਬਾਰੇ ਦੱਸਿਆ ਗਿਆ ਸੀ ਪਰ ਉਸਨੂੰ ਲੱਭਣ ‘ਚ ਮੱਦਦ ਕਰਨ ‘ਚ ਅਸਫਲ ਰਿਹਾ। “ਅਸੀਂ ਉਸਦੀ ਭਾਲ ਕਰਦੇ ਰਹੇ, ਪਰ ਉਹ ਕਿਤੇ ਨਹੀਂ ਮਿਲਿਆ। ਇਹ ਘੋਰ ਲਾਪਰਵਾਹੀ ਹੈ। ਮੇਰਾ ਭਰਾ ਇੰਨਾ ਪਾਗਲ ਨਹੀਂ ਸੀ ਕਿ ਜਾਣਬੁੱਝ ਕੇ ਆਪਣਾ ਵਾਹਨ ਟੋਏ ‘ਚ ਸੁੱਟ ਦੇਵੇ।”
ਸਵੇਰੇ 1:30 ਵਜੇ, ਮੈਂ ਉਸਦੀ ਜਾਂਚ ਕਰਨ ਲਈ ਟੋਏ ‘ਤੇ ਗਿਆ, ਪਰ ਉਹ ਉੱਥੇ ਨਹੀਂ ਸੀ। ਅਸੀਂ ਘੱਟੋ-ਘੱਟ ਛੇ ਪੁਲਿਸ ਸਟੇਸ਼ਨਾਂ ‘ਤੇ ਗਏ, ਪਰ ਕੋਈ ਮੱਦਦ ਨਹੀਂ ਮਿਲੀ। ਜਦੋਂ ਮੈਂ ਅੱਜ ਸਵੇਰੇ ਆਪਣੇ ਭਰਾ ਦੇ ਫ਼ੋਨ ਨੰਬਰ ‘ਤੇ ਦੁਬਾਰਾ ਫ਼ੋਨ ਕੀਤਾ, ਤਾਂ ਪੁਲਿਸ ਨੇ ਫ਼ੋਨ ਚੁੱਕਿਆ ਅਤੇ ਸਾਨੂੰ ਦੱਸਿਆ ਕਿ ਉਸਦੀ ਲਾਸ਼ ਟੋਏ ‘ਚੋਂ ਬਰਾਮਦ ਕਰ ਲਈ ਹੈ। ਜੇਕਰ ਪੁਲਿਸ ਸਮੇਂ ਸਿਰ ਕਾਰਵਾਈ ਕਰਦੀ, ਤਾਂ ਮੇਰਾ ਭਰਾ ਅੱਜ ਵੀ ਜ਼ਿੰਦਾ ਹੁੰਦਾ।
ਦਿੱਲੀ ਦੇ ਜਨਕਪੁਰੀ ‘ਚ ਵਾਟਰ ਬੋਰਡ ਦੇ ਟੋਏ ‘ਚ ਡਿੱਗਣ ਨਾਲ ਮਰਨ ਵਾਲੇ ਕਮਲ ਚੰਦਾਨੀ (25) ਦੇ ਪਰਿਵਾਰ ਨੇ ਪੁਲਿਸ ‘ਤੇ ਗੰਭੀਰ ਦੋਸ਼ ਲਗਾਏ ਹਨ। ਇਸ ਦੌਰਾਨ, ਹਾਦਸੇ ਦਾ ਨਿਰੀਖਣ ਕਰਨ ਪਹੁੰਚੇ ਮੰਤਰੀ ਪਰਵੇਸ਼ ਵਰਮਾ ਖ਼ਿਲਾਫ ਮੁਰਦਾਬਾਦ ਦੇ ਨਾਅਰੇ ਲੱਗੇ।